SONG KRAN

I dag er det 10. april... ikkje lenge igjen til Song Kran nå, så eg tenkte eg skulle skrive nokre linjer om denne feiringa me snart går inn i.

Kva er Song Kran?

For meg er Song Kran folkeliv, vatn, thai whisky og øl,  høglytt thai karaoke, overfyllte gater der trafikken knappt nok går på fram, fest, latter, talkum pulver, fargerike hawai skjorter, søkkvåte klær... 

Men eg veit jo det er mykje meir enn det...

Desse åra eg har drevet og reist til Thailand, har eg prøvd å spørr og grava og bli litt klokare på det eg opplever, og eg har prøvd å lesa litt, men ofte føle eg egentlig at eg forstår mindre jo fleire svar eg får, og eg får ikkje alltid samstemte svar... sjølv når eg prøve å lesa om ting på nettet så er det ikkje alltid svara eg finn stemme heilt overens, men likevel vil eg prøve å skrive litt om det litla eg har klart å  lære meg om Song Kran.

For kva er egentlig Song Kran?

Ordet Song Kran kjem frå ordet samkranti (sanskrit) og direkte oversatt betyr det astronomisk passasje... det betyr å gå inn i... me går inn i eit nytt år,  Song Kran, 13. - 15. april, markere nyttår i Thailand, Laos, Kambodsja og hjå nokre minoritetsgrupper i Kina, etter den thailandske solkalenderen.

Songkran har vore feira si før Buddha si tid, mest sansynleg har det vore ei fruktbarhets feiring på veg inn i det nye året.

Heilt frå starten har vatn vore sentralt i feiringa.  I den buddhistiske songkran feiringa dynkar folket i Thailand  litt vatn over skuldrene eller hendene på dei eldre for å velsigne dei, for å rense vekk gamle synder. Dei sprutar vatn på buddha bilder og munkar for å symbolisera styrke og at året skulle få nok vatn i tørke tida.

Som sagt, songkran vert feira 13.-15. april, dei dagane er offisielle fridagar, men feiringa starta gjerne før og fortsett gjerne litt lenger...

13. april - MAHA SONGKRAN. Maha Songkran markere siste dagen i gamle året og thaiane startar song kran feiringa si. Dagen vert feira med fyrverkeri som skal skremme vekk onde ting og med å beøke tempelet for bønn og offring.

14. april - WAN NAO. Dagen mellom slutten på det gamle året og byrjinga på det nye, Wan Nao er ein familie dag, thai familiar samlast og forberede mat og gavar til å ha med til munkane i tempelet neste dag. Om kvelden bringer dei litt sand inn i tempelet ei symbolsk handling for å bringe tilbake det igjennom året har dratt med deg på skoa når du har gått utfrå tempelet, sanden legg dei i haugar som vert forma som stupaer og dekorert med fargerike flagg. Så vidt eg har forstått er dette dagen du må passe språket ditt, stygge ord denne dagen vil få konsekvenser, då vil det ligge ein forbannelse over heile det nye året.

 

15. april - WAN THALOEN SOK. Wan Thaloen Sok er viktigaste dagen i feiringa. Familiane bringe mat og gavar til tempelet. I tempelet er det sermoniar kor det vert kasta velsigna vatn på buddha figurar og bilder for å minnast dei som ikkje er her meir, for takknemlighet og for å bringa lykke. 

16. april - WAN PARG-BPEE. Siste dagen av songkran feiringa, den dagen skal spesielt dei eldre visast ære. Som tegn på takknemlighet, respekt og ære så dynkes det vatn over håva deiras.

Men som sagt, desse buddhistiske rituala er jo berre ein del av Song Kran  feiringa... Song Kran er ein stor fest der heile folket deltar. Folk som jobbar i Bangkok kjem då heim for å feire (så Bangkok er relativt folketom dei dagane), små og store samlas i heimane og ute i gatene for å delta i feiringa, i ført fargerike skjorter,  bevæpna med vannpistolar, bøtter, koppar, kar, tønner (alt du kan fylle vatn i) og talkum pulver trekk dei saman for det som mest av alt ser ut som verdens største vannkrig. 

SUK SAN WAN SONGKRAN